ຮັບປະກັນແຜນຜັງຫ້ອງວິເຄາະວ່າມີຄວາມເໝາະສົມກັບຂະໜາດຂອງເຄື່ອງມື, ການລະບາຍອາກາດ ແລະ ຄວາມຕ້ອງການໃນການປະຕິບັດງານ.

ກວດກາລະບົບສາທາລະນຸປະໂພກໃຫ້ມີຄວາມພ້ອມໃຊ້ງານ ແລະ ມີຄວາມເຂົ້າກັນໄດ້ກັບເຄື່ອງມື ເຊັ່ນ ໄຟຟ້າ,​ ນໍ້າ, ເຄື່ອງປັບອາກາດ ແລະ ລະບົບລະບາຍອາກາດ.

ກວດກາອຸນຫະພູມ​, ຄວາມຊຸ່ມຊື່ນ ແລະ ລະດັບຄວາມສະຫວ່າງທີ່ເໝາະສົມເພື່ອຫຼີກເວັ້ນອຸປະກອນເຮັດວຽກຜິດປົກກກະຕິ.

ລະບຸອັນຕະລາຍທີ່ອາດຈະເກີດຂຶ້ນ ແລະ ການນໍາເອົາມາດຕະການຫຼຸດຜ່ອນມານຳໃຊ້ ເຊັ່ນ ການເກີດລະອອງຝອຍ.

ບຸກຄະລາກອນທີ່ໄດ້ຮັບອະນຸຍາດຄວນເຂົ້າເຖິງເຄື່ອງມືໄດ້ງ່າຍ ໂດຍບໍ່ພົບຄວາມຫຍຸ້ງຍາກຕໍ່ກັບຂະບວນການເຮັດວຽກໃນຫ້ອງວິເຄາະ.

ຈັດວາງອຸປະກອນເຊັ່ນ ຕູ້ປອດເຊື້ອ ໄວ້ພາຍໃນບໍລິເວນປົນເປື້ອນທີ່ໄດ້ກໍານົດໄວ້ ເພື່ອຫຼຸດຄວາມສ່ຽງຂອງການປົນເປື້ອນ.

ເພື່ີອຫຼີກເວັ້ນການແອອັດເກີນໄປ ໃຫ້ເວັ້ນໄລຍະພື້ນທີ່ອ້ອມຮອບເຄື່ອງມືຫ້ອງວິເຄາະສໍາລັບການບຳລຸງຮັກສາ/ສ້ອມແປງ, ອະນາໄມ ແລະ ການປະຕິບັດງານທີ່ປອດໄພ.

ຮັບປະກັນການແຍກພື້ນທີ່ສໍາລັບກະການກະກຽມຕົວຢ່າງ ແລະ ການຈັດການຂີ້ເຫຍື້ອ ເພື່ອປ້ອງກັນການປົນເປື້ອນຂ້າມກັນ.